“Beeline” абонент тўлови нархини оширмайди

Тошкент, Ўзбекистон (UzDaily.uz) -- Энг йирик алоқа оператори “Beeline” 2017 йилнинг 1 июль кунидан абонент рақамидан фойдаланиш учун тўлов 2000 сўмдан 2750 сўмга оширилишига қарамай, компания мижозлари учун абонент тўлови аввалги даражада сақланиб қолиши ҳақида хабар беради.

Воқеани шарҳлар экан, Unitel МЧЖ бош директори Дмитрий Шуков шундай деди: "Бу жорий йилда иккинчи маротаба нархларнинг оширилишидир, шунга қарамай, биз бу оғирликни абонентларимиз елкасига юклаш режамизда йўқ. Бизга ҳам ОАВ, ҳам ижтимоий тармоқлар фойдаланувчилари бу тариф режаларимизга таъсир кўрсатмайдими деган савол билан мурожаат қилмоқдалар. Мижозларни хотиржам қилмоқчиман: фақат Beeline учун иккинчи ярим йилликда қўшимча ҳаражатлар миқдори ўнлаб милиард сўм маблағни ташкил этганлигига қарамай, 1 июлдан абонент тўлови автоматик тарзда оширилмайди”.

Эслатиб ўтамиз, абонент рақами учун 2012 йилнинг 1 январь кунидан жорий қилинган эди. Аввалига унинг миқдори ойига 400 сўмни ташкил этган эди. 2016 йилда мобил операторлар абонент рақами учун 1500 сўм тўлаганлар. Шундай қилиб, тўлов миқдори йилдан йилга нисбатан 83%дан юқори миқдорга ошган.