2018 йилда 773 522 та туғилиш қайд қилинган. Энг кўп қўйилган исмлар “Солиха” ва “Мустафо” бўлди

Тошкент, Ўзбекистон (UzDaily.uz) -- Давлат хизматлари агентлиги берган маълумотларга кўра, ўтган 2018 йилда 773 522 та туғилиш қайд қилинган бўлиб, бу кўрсаткич 2017 йилга нисбатан 51 428 тага ёки 7,1 %га кўпайган. Хусусан, 2017 йилга нисбатан 2018 йилда ўғил болаларнинг туғилиши 27 207 тага, қизларнинг туғилиши эса 24 223 тага кўпайган.

Республика миқиёсида 2018 йилда энг кўп туғилишлар Самарқанд вилоятида кузитилди. Яъни 98 151 та. Яна шуни қўшимча қилиш керак, ўтган йили мамлакат бўйича 14 176 марта икки ва ундан ортиқ эгизаклар дунёга келган.

Аҳамиятлиси, 2018 йилда туғилган қиз болаларга “Солиха” деган исм кўп қўйилган бўлса, ўғил болаларга “Мустафо” исми қўпроқ маъқул кўрилган.