Ўзбeкистон делегацияси Саудия Арабистонига ташриф буюради

Тошкент, Ўзбекистон (UzDaily.uz) -- 2016-йилнинг 25-28-июль кунлари Ўзбекистон Республикаси Ташқи ишлар вазири Абдулазиз Камилов бошчилигидаги делегация Саудия Арабистони Подшоҳлигига ташриф буюради.

Ўзбекистон делегацияси Жидда шаҳрида Иқтисодий, маданий ва ижтимоий масалалар бўйича Ислом комиссиясининг 39-сессиясида ва Ислом ҳамкорлик ташкилотига аъзо давлатлар юқори мансабдор шахсларининг мажлисида иштирок этади. Бу ҳақда ЎзР ТИВ Матбуот хизмати хабар беради.

Ташриф дастуридан ИҲТ ва Саудия Арабистони Ташқи ишлар вазирлиги раҳбарлари билан учрашувлар ва музокаралар ҳам ўрин олган.