1 апрелдан бошлаб газ ва электр тарифлари ошади

Тошкент, Ўзбекистон (UzDaily.uz) -- Ўзбекистонда табиий газ ва электр энергиясидан фойдаланиш нархи 2018 йил 1 апрелдан бошлаб ошади. Бу ҳақда республика иқтисодиёт вазирининг биринчи ўринбосари Мубин Мирзаев маълум қилди.

Унинг қайд этишича, 1 апрелдан бошлаб аҳоли учун табиий газ тарифлари 10 фоизга, электр энергияси 12 фоизга ошади.

Унинг сўзларига кўра, бу параметрлар инфляция даражасига қараб мамлакатнинг давлат бюджети таркибига киритилган.

Мубин Мирзаев давлат бюджети нафақалар, ижтимоий тўловлар ва иш ҳақининг ўсишини назарда тутганлигини таъкидлади.

Ҳукумат ҳар олти ойда бир марта иш ҳақи ва бошқа тўловларни кўриб чиқади ва уларни инфляция даражасига мос равишда кўтаради.

"Нарҳлар ошгани сайин фуқароларнинг иш ҳақи бир хил миқдорда кўпаяди. Буларнинг барчаси янги бюджетда кўзда тутилган", - дея тушунтирди у.