АКТ вазирлигида “NCG Engineering” компанияси раҳбари билан учрашув ўтказилди

Тошкент, Ўзбекистон (UzDaily.uz) -- 11 июль куни Ахборот технологиялари ва коммуникацияларини ривожлантириш вазирлигида Корея Республикасининг “NCG Engineering” компанияси раҳбари, “Eurabit” МЧЖ ҚК таъсисчиси Жанг Ил Квон билан учрашув бўлиб ўтди. Бу ҳақда вазирлик Матбуот хизмати хабар беради.

Учрашувда томонлар рақамли иқтисодиётни ривожлантириш учун амалга ошириш кўзда тутилаётган инвестицион ҳамкорлик юзасидан фикр алмашдилар. Хусусан, “NCG Engineering” компанияси Ўзбекистонда реестр тақсимоти, яъни блокчейн технологиясини ривожлантиришда ўзаро ҳамкорлик қилишга тайёр эканини маълум қилди.

Томонлар тез орада вазирлик мутахассислари, ўзбекистонлик қизиқиш билдирган экспертлар учун тез орада муҳокама қилинган мавзулардаги тақдимотларни ташкил қилишга келишиб олдилар.