Ҳиндистон ташқи ишлар вазири Ўзбeкистонга ташриф буюради

Тошкент, Ўзбекистон (UzDaily.uz) -- 2018 йилнинг 4 август куни Ҳиндистон Республикаси Ташқи ишлар вазири Сушма Свараж Тошкентга ташриф буюради. Бу ҳақда ЎзР ТИВ Матбуот хизмати хабар беради.

Ҳиндистон делегациясининг Ўзбекистон Республикаси Президенти Шавкат Мирзиёев томонидан қабул қилиниши кутилмоқда

Ташриф дастуридан шунингдек Ҳиндистон ТИВ раҳбарининг Ўзбекистон Олий Мажлиси Қонунчилик палатаси, Ҳукумати ва Ташқи ишлар вазирлиги раҳбарияти билан учрашувлари ва музокаралари ҳам ўрин олган бўлиб, мазкур тадбирлар давомида Ўзбекистон – Ҳиндистон ҳамкорлигини янада ривожлантиришнинг амалий жиҳатларини, шунингдек халқаро кун тартибининг долзарб масалаларини муҳокама қилиш кўзда тутилган.