Тошкентнинг айрим кўчаларида транспорт ҳаракати вақтинчалик чекланади

Тошкент, Ўзбекистон (UzDaily.uz) -- Қадрли ҳамшаҳарлар ва пойтахтимиз меҳмонлари! Алишер Навоий номидаги академик катта театри биноси олдидаги майдонда бўлиб ўтадиган тадбир муносабати билан, 14 сентябрь куни 19:00 дан 22:00 гача транспорт воситалари учун қуйидаги кўчалар ёпилади:

Зарафшон кўчаси – Ислом Каримов кўчасидан Матбуотчилар кўчасигача;

Бухоро кўчаси – Нуроний кўчасидан Буюк Турон кўчасигача;

Буюк Турон кўчаси – Матбуотчилар кўчасидан Ислом Каримов кўчасигача;

Ислом Каримов кўчаси – Шароф Рашидов кўчасидан Тарас Шевченко кўчасигача;

Вақтинчалик ноқулайликлар учун пойтахт маъмурияти узр сўрайди. Бу ҳақда Тошкент шаҳар ҳокимлиги Матбуот хизмати хабар беради.